Kənd Təsərrüfatı Nazirliyi sistemində dövlət qulluğuna qəbul üçün müsabiqə üzrə müsahibə elanlarının B növündə - 225 vakant vəzifə üzrə 233 yer, dövlət qulluğuna qəbul üçün müsabiqə üzrə müsahibə elanlarının A növündə - 79 vakant vəzifə üzrə 79 yer namizədlərin müraciətləri üçün mayın 1-də Dövlət İmtahan Mərkəzinin rəsmi internet səhifəsində elana çıxarılıb.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən FED.az-a  bildirilib ki, informasiya texnologiyaları, aqrar sahədə ixtisas almış aqronom, bioloq, zooloq, baytar, torpaq üzrə mütəxəssis və zoomütəxəssisləri, maliyyə-təsərrüfat fəaliyyəti, texniki nəzarətin təşkili üzrə müvafiq ixtisası olan şəxslər müsahibələrdə iştiraka dəvət edilir.

Təqdim olunan vakant vəzifələr Kənd Təsərrüfatı Nazirliyinin Aparatı və strukturuna daxil olan qurumlar üzrə müəyyənləşib.

Müsahibə mərhələsi üzrə qeydiyyat mayın 30-nadək davam edəcək.

Müsabiqəyə təqdim olunmuş vakant vəzifələr üzrə vəzifə təlimatları, müsahibə proqramları ilə aşağıdakı keçidlər vasitəsilə tanış ola bilərsiniz:

https://exidmet.dim.gov.az/dqq/Elan/MsbMshElanList?ElanID=516 

https://exidmet.dim.gov.az/dqq/Elan/MsbMshElanList?ElanID=517